У чацьвер 24-га красавіка Бэнэдыкт 16 сустрэўся з біскупамі рэгіёну Каўказа.
У сваёй прамове да іх Сьвяцейшы Айцец сказаў, што міма істотных грамадзкіх перамен
на Каўказе пасьля ўпадку Савецкага Саюзу надалей існуюць там сур”ёзныя выклікі: як
бяда, безпрацоў”е, ды праблема з многімі ўцекачамі. Хрысьціянства мае там глыбокія
карані ды багатую традыцыю. У абліччы драматычных здарэньняў 20-га стагоддзя многа
асоб аддало жыцьцё за веру. Цяпер Каталіцкі Касьцёл у Грузыі, Армэніі ды Азэрбайджане-
працягваў Папа—зьяўляецца невялічкаю супольнасьцю армянскага, лацінскага і хальдэйскага
абрадаў, якая суіснуе з пасьлядоўнікамі праваслаў”я, вернымі Армянскае Апостальскае
Царквы а таксама з габрэямі і музульманамі. Бэнэдыкт 16 заахвоціў тамашні Эпіскапат
да супрацоўніцтва з іншымі Касьцёламі і рэлігіямі. Зьвярнуў таксама ўвагу на новыя
пагрозы для веры. “Трэба прадухіліць, каб там, дзе камунізму не ўдалося зьнішчыць
каталіцкае тоеснасьці, падступныя формы ціску не паслабілі ў вернікаў пачуцьця царкоўнае
прыналежнасьці. Дзеля гэтага я спалучаюся з імкненьнем вашых каталіцкіх супольнасьцей
да законнага прызнаньня з пашанаю ўласьцівае натуры Каталіцкага Касьцёла”- запэўніў
Папа біскупаў з Каўказу. “Жадаю апрача таго- дадаў Бэнэдыкт 16- каб дзякуючы ведзенаму
дыялогу паміж каталікамі і праваслаўнымі, ўзрастала братэрства, якое павінна намечваць
ўзаемныя адносіны шануючых Цэкрваў, незалежна ад існуючых яшчэ розьніц”.