Lutja e Gjon Palit II drejtuar Pajtores së Shqipërisë
(25.04.2008 RV) O Zoja e Shkodrës, Pajtorja e Shqipërisë, Nëna e jonë
e ëmbël! Ti dashurinë e popullit tënd e ke në zemër. Silli sytë nga ky komb,
që predikimin e parë të Ungjillit e mori prej Apostujve dhe gjithmonë të nderoi
me dashuri bijnore. Edhe sot, në errësirën e provës ky komb kërkon me fe të
gjallë ndihmën tënde amtare. Drejtoje Ti Kishën ne shtegtimin e fesë: silli
sytë mbi bijtë e bijat e tua shqiptare, në këtë çast, kur përshkojnë shtegun e
provës e të mundimit. Ndihmo të ligështit, ngushëllo të mjeruarit, mbaje gjallë
fenë në zemrat e të gjithëve.
O Nëna e Shëlbuesit, bekoi familjet e
krishtera, që shprehin përmasën themelore të Kishës së Birit tand Hyjnor.
O Nëna e shpresës, bëj që të vijë sa më parë dita kur ky popull fisnik, do
të mund të realizojë edhe një herë dishirat më të thella të shpirtit, kur
të gjithë bijtë e tij e bijat e tij do të bashkohen edhe një herë plot harmoni,
për të ndërtuar ardhmërinë e dashurisë e të paqes.