"Галоўнай мерай фізічнага здароўя з'яўляецца маральнасць і цалкавітасць." Гэтую старажытнейшую
праўду не стамляецца сцвярджаць Мітрапаліт Мінскі і Слуцкі Філарэт.
Беларуская Праваслаўная Царква і Рэспубліканскае Міністэрства аховы здароўя яшчэ
ад 2005 года маюць падпісаную разам Праграму супрацоўніцтва. Цяпер да яе абодва бакі
хочуць дадаць пазіцыі па найноўшых біямедыцынскіх тэхналогіях у ракурсе маральнай
і этычнай ацэнкі іхняга прымянення. Штучная рэпрадукцыя, кантрацэпцыя, штучныя роды,
транспланталёгія(перасадка органаў), эўтаназія - так званая "салодкае" забіццё - усе
гэтыя тэхналогіі, якія лічыліся да нядаўняга часу парушэннем цалкавітасці асобы пачалі
знаходзіць усё больш шарокае прымяненне ў нашай эпосе панавання кансумізма (спажывецтва).
Унясенне дадатковых параграфаў у сумесную царкоўна-дзяржаўную праграму мае на ўвазе
ўвядзенне новых параметраў, якія б давалі ўрачу магчымасць рэалізаваць на рабочым
месцы сваё права адмаўляцца ад правядзення падобных маніпуляцый па асабістых рэлігійных
ці маральна-этычных перакананнях. Напрыклад, у адпаведнасці з Дэклярацыяй аб медыцынскіх
абортах сусветнай Арганізацыі здароўя, дзе ёсць урачэбнае права адмовіць прымяненне
штучнага аборту. Беларускае Міністэрства аховы здароўя і Беларуская праваслаўная Царква
маюць намер рэалізоўваць таксама сумесныя прафілактычныя праграмы супраць алкагалізму,
нарказалежнасці, венерычных хвароб і СНІДу,курэння . На думку людзей, заклапочаных
ўзроўнем свядомасці і здароўя беларускай нацыі, неабходна ўводзіць паняцці духоўнага
здароўя ўжо ў навучальныя праграмы. Дакумант, які будзе рэалізоўвацца надалей, прадугледжвае
таксама абарону насельніцтва ад фальшывых гаіцеляў, магаў і іншых акультных шарлатанаў,
а таксама сумеснае аказанне дапамогі асобам, якія былі падзвергнутыя прымяненню дэструктыўна-культавых
метадаў ўздзеяння на псіхіку, напрыклад, у сэктах.