Апошнім пунктам другога дня Апостальскага Падарожжа Папы ў ЗША была міжрэлігійная
сустрэча, якая адбылася ў Цэнтры Яна Паўла ІІ. На сустрэ-чу прыбыло каля 150-ці прадстаўнікоў
5-ці рэлігійных супольнасьцей: гэбрэйскай, музульманскай, гіндуістаў, буддыстаў і
джыністаў. Бэнэдыкта 16 прывітаў біскуп Скльба, які сказаў: “У духу дэклярацыі “Ностра
Этатэ” католікі наладзілі прыязныя адносіны з Гэбрэйскаю Супольнасьцю, перамагаючы
узаемную чужасьць ды падазрэнні. З музульманамі наш мясцовы Касьцёл збудаваў масты
рэлігійнага і культурнага зразуменьня. Выйсьце нашае каталіцкае супольнасьці да рэлігій
Азіі, асабліва такіх як гіндуізм, буддызм, сікгізм і Джынізм, прынесла бачныя плады,
сярод якіх знаходзіцца ўзаемны дыялог, які ўзмацоўвае супольнае сьведчаньне аб сіле
веры ў ствараньні амэрыканскага грамадзтва, ў якім кожнае жыцьцё сьвятое і чалавеая
годнасьць ёсьць прызнаваная кожным- сказаў біскуп Скльба. Бэнэдыкт 16 зьвяртаючыся
да прадстаўнікоў іншых рэліній сказаў: “мэтаю дыялогу ёсьць адкрываньне праўды. Адкуль
паходзіць чалавечы род і якое яго прызначэньне? Што гэта дабро і зло? Што нас чакае
на канцы нашага земскага існаваньня? –запытаўся Папа. Толькі ўздымаючы гэтыя найбольш
глыбокія пытаньні мы зможам будаваць трывалыя асновы міру і бясьпекі чалавечае сям”і.
І далей працягваў, “духоўныя кіраўнікі маюць асаблівы абавязак, каб ставіць найглыбнйшыя
пытаньні над чалавечым сумленьнем, разбуджаць зацікаўленьне чалавецтва таямніцаю чалавечага
жыцьця. Адносна гэтых глыбокіх пытаньняў, якія тычацца паходжаньня і долі чалавецтва
хрысьціянства прапануе Ісуса з Назарэту. Ён, як мы верым- сказаў Папа- ёсьць Адвечным
Словам, якое сталася целам, каб прымірыць чалавека з Богам і абьявіць прычыну ўсяго.
Гэта Яго сы ўзносім на форум міжрэлігійнага дыялогу. Чацьвер быў апошнім днём знаходжаньня
Папы у Вашынгтоне. У пятніцу 18-га красавіка Сьвяцейшы Айцец прыбудзе ў Нью Ёрк.