У каталіцкім часопісе "Famiglia cristiana(Xрысціянская сям'я)" змешчана актуальнае
інтэрв'ю з арцыбіскупам Вашынгтона Дональдам Уэрлям , які сцвярджае, што Царква ЗША
ў стане зноў ісці дарогаю Дабравешчання, што яна пачала выздараўліваць.
Гэтыя запэўніванні спалучаныя са скандаламі педафілаў, якія здрадзілі сваёй місіі
носьбытаў Дабравешчання і сталіся ваўкамі ў авечынай скуры. Святары, якія ня свецяць,але
нясуць цемру, педафілы. Парадаксальнае словазлучэнне, але менавіта ў сэрцы і душы
тых, хто на вышыні, адбываецца мацнейшы бой з сіламі зла. Кіраўнік Вашынгтонскай арцыдыяцэзіі
ў часопісе "Famiglia cristiana" адкрыта называе правіны і глыбокія грахі, якія здарыліся
ў70- 80-я гады . "Мы таксама згубілі праграму катэхізацыі і адукацыі ў гэтым перыядзе.
Дык многія маладыя людзі накіраваліся да згубных шляхоў па нашай віне, бо мы не здолелі
паглыбіць іхную цікаваць да веры",- прызнаецца герарх. Але сцвярджае, што пакаянне
і выпраўленне дае магчымасць спадзявацца на аздараўленне. Сёння Амерыка мае шмат
невырашаных пытанняў: узрастае колькасць збяднелых, калькасць сем'яў, якія пакутуюць.
Царква імкнецца падтрымліваць іх таксама на ўзроўні фінансавай дапамогі. "Мы вельмі
ўключаныя ў сацыяльныя праекты, - гаворыць арцыбіскуп, - але трэба рабіць значна
больш." Напрыклад, ён выказваецца аб неабходнасці большага ўплыву на сітуацыю з вайной
у Іраку. "Раней не маглі нават убачыць грабы загінуўшых салдатаў, бо ўлады хавалі
гэтыя факты. Гэта была трагедыя, але яна працягваецца і зараз. Я кажу, - падкрэслівае
арцыбіскуп Вашынгтона, - што неабходна пакінуць Ірак. Гэта трэба зрабіць у спосаб
разумны і адказны, але неабходна зрабіць!"