Liturgjia e Fjalës së Zotit e dielës së 4-të Pashkëve ‘A’
(13.04.2008 RV)Ja përsëri në takimin
tonë javor të së shtunës me Fjalën e Zotit të së dielës, kësaj herët do të dëgjojmë
e meditojmë së bashku leximet biblike të liturgjisë së Fjalës Hyjnore të dielës së
4-të të Pashkëve, ciklit të parë, sipas kalendarit liturgjik të kishës. Krishti
jeton! Të ngazëllehemi! T’i këndojmë Krishtit të gjallë, bariut tonë e prijësit që
na ofron fjalën e vet e bukën e vet për të na sjellur në kullota të amshuara. Jezusi
është bariu ynë. Ai na udhëheq në kullota të amshuara, që do të thotë tek vlerat e
vërteta. Leximet biblike të kësaj së diele na paraqesin figurën e Jezu Krishtit, Bariut
të Mirë. Në leximin e parë vazhdon dëshmia e Pjetrit me 11 të tjerët. Fryt i asaj
dëshmie qenë ata që e pranuan fjalën e tij dhe qenë pagëzuar në Emër të Krishtit Zot. Në
leximin e dytë Pjetri vënë para syve të të krishterëve e në zemër të tyre shembullin
e Jezu Krishtit, bariut të mirë; shembull për t’u imituar e ndjekur në jetën e përditshme
nëse duam ti pëlqejmë Zotit. Në pjesën e Ungjilli dëgjojmë fjalët që tha personalisht
Jezu Krishti duke u paraqitur si bari i mirë dhe nxënësit e vet i konsideron dele
të tija që e dëgjojnëzërin e tij.
T’i dëgjojmë leximet biblike:
Për
komentin e leximeve biblike të liturgjisë së Fjalës Hyjnore të së dielës së 4-të të
Pashkëve, të ndjekim dom Gjergj Metën: