У Злучаных Штатах чакаюць Свяцейшага Айца Бенедыкта XVI°.
“Чаканне ёсць вялiкай надзеяй”: такiм чынам арцыбiскуп Челестiно Мiльоре характэрызуе
сiтуацыю, якая склалася перад прыбыццём Свяцейшага Айца Бенедыкта ХVI° у ЗША. Монс.
Мiльоре, якi з’яўляецца сталым прадстаўнiком Апостальскага пасада пры ААН лiчыць,
што дыпламаты, якiя прадстаўляюць свае краiны ў ААН, з вялiкай увагай ставяцца да
прыезду Папы i да яго словаў, што ён прамовiць 18 красавiка ў Нью-Йорку. Арцыбiскуп
Мiльоре адзначыў, што многiя дыпламаты адзначаюць яснасць i плённасць думкi Свяцейшага
Айца. Акрамя таго, арцыбiскуп адзначыў, што падарожжа Папы прыпадае н а 60-ю гадавiну
Дэкларацыi аб правах чалавека, да якой Апостальскi Пасад ставiцца з вялiкай павагай.
З гэтай думкай арцыбiскуп Мiльоре звярнуўся 9-га красавiка да членаў Камiсыi ААН да
спраў насельнiцтва i развiцця. “Сутыкаючыся з феноменамi мiграцыi ды ўрбанiзацыi
нiколi не трэба забывацца, што галоўным героям з’яўляецца чалавек са сваiмi правамi”,
- падкрэслiў монс. Мiльоре. Адначасова ён звярнуў увагу на тое, што ўпершыню ў гiсторыi
лiк гарадскiх жыхароў перавысiў лiк вясковых насельнiкаў. Прадстаўнiк Ватыкану прызнаў,
што “урбанiзацыя прапануе шмат магчымасцяў у развiццi эканомiкi”. У той жа час нельга
падпарадкоўваць людзей эканамiчным умовам, якiя ствараюцца негуманным чынам. Гэта
прымушае людзей эмiграваць, што злучана з занепакоенасцю i рознымi надзеямi, якiя
маюць мiгранты, якiя часта прымушаны пакiнуць свае семьi i сяброў. “Менавiта таму,
- зазначыў монс. Мiльоре, - трэба дапамагчы iмiгрантам захоўваць свае семьi. Гэта
дапаможа iм быць болей адказнымi i больш паважна ставiцца да закона, значыць ўносiць
большы ўклад у развiццё грамадства”. Iншай праблемай, якая злучана з пакiданнем
жыхарамi вёсак, - на думку арцыбiскупа, - ёсць стварэнне вялiкiх гарадоў, што маюць
раёны ў якiх практычна немагчыма жыць. “У 2005 годзе, - зазначыў прадстаўнiк
Апостальскага Пасада пры ААН, - болей за 840 млн чалавек жылi ва ўмовах абсалютнай
галечы”. Гэтыя асобы знаходзяцца ў пастцы галечы i маргеналiзацыi. Асаблiва павiнны
быць узятыя пад увагу дзецi, якiя замест таго, каб iсцi ў школу праводзяць час на
памойках, дзе шукаюць сродкi для выжывання. Гэта праблема павiнна прыцягнуць увагу
кiраўнiкоў рознага ўзроўня, што могуць спрыяць развiццю жыцця сельскiх жыхароў, асаблiва
ў так званых краiнах “на шляху развiцця”. У той жа час, нагадаў арцыбiскуп Мiльоре,
- нельга забывацца аб тым, што да 2015 года трэба задаволiць патрэбу 675 млн асобаў
у вадзе да пiцця i 2 мiл’ярдаў, якiя не маюць магчымасцi карыстацца базавымi медычнымi
паслугамi. “Нацыянальныя i мiжнародныя палiтыкi, - зазначыў ватыканскi дыпламат, -
павiнны забяспечваць жыхарам вёсак лепшыя ўмовы жыцця”.