Агульная аўдыенцыя Папы ў сераду 9-га красавіка

Адбылася яна на Плошчы Сьвятога Пятра. Прыбыло на яе многа вернікаў і паломнікаў з цэлага сьвету.
. Была гэта 13-я сустрэча Бэнэдыкта 16-га з вернікамі ў гэтым годзе. У сваёй сёньняшняй катахэзе Сьвяцейшы Айцец працягваў свой цыкл пра Айцоў Царквы. Менавіта сёньня Папа гаварыў аб Сьвятым Бэнэдыкце з Нурсы.
Сьвяты Бэнэдыкт аб якім сёньня ідзе гаворка нарадзіўся ў Нурсы ( Італія) каля 480-га году. Зьяўляецца Айцом Заходняга Манаства. Заснавальнік Айцоў Бэнэдыктынаў, Аўтар Славутае Законнае Рэгулы. Ягонае жыцьцё і праца ў істотны спосаб уплыло на разьвіцьцё эўрапэйскае цывілізацыі і культуры.
Пасьля распачацьця вучобы ў Рыме- сказаў далей Папа ў сваёй сёньняшняй катахэзе—бачачы маральнае сапсуцьцё, якое тады панавала, адсунуўся ад сьвету. Пасяліўся ў гроце са скалы ў ваколіцах Субьяко. Узьняў жыцьцё пустэльніка. Яго сьвятое стаўленьне да жыцьця прыцягнула да яго многа пасьлядоўнікаў, таму неўзабаве ў суседзтве сваёй пустэльні заснаваў многа меншых манастыроў.
У 529-м годзе- зноў сказаў Сьвяцейшы Айцец- з групаю субратоў пасяліўся ў Монтэ Касіно, фармуючы бэнэдыктынскую духоўнасьць на Рэгуле, якая прызнавала Законнае Жыцьцё за школу паслугі Хрысту. У законным жыцьці адобрываў асаблівую ролю малітвы, Літургіі, фізычнае працы і дасьледаваньне, асабліва Сьвятога Пісаньня.
У 1964-м годзе Папа Павал 6-ы абвясьціў яго Патронам Эўропы. Дзейнасьць і праца Сьвятога Бэгэдыктам зьяўляецца выклікам таксама і для нас. Імкнучыся да новай, трывалай еднасьці Эўропы- сказаў на заканчэньне сваёй катахэзы Бэнэдыкт 16—трэба сёньня не толькі ўздымаць новыя палітычныя, эканамічныя і законныя намаганьні але таксама этычнае і духоўнае аднаўленьне, якія адносяцца да хрысьціянскіх каранёў нашага кантынэнту.


На заканчэньне аўдыенцыі Сьвяцейшы Айцец прывітаў усіх вернікаў, асабліва хворых, моладзь ды новыя шлюбныя пары, надзяляючы на ўсіх сваё Апостальскае Блаславенства.