Dita e tretë e Kongresit kushtuar Mëshirës Hyjnore.
(04.04.2008 RV)Sot - dita e tretë e Kongresit kushtuar Mëshirës Hyjnore, që
vijon punimet në bazilikën romake të Shën Gjonit në Lateran. Ndërmjet të tjerëve,
foli edhe kardinali Frensis Arinze, prefekt i Kongregatës për kultin hyjnor e disiplinën
e Sakramenteve. Misteri ngushëllues e i thellë i mëshirës hyjnore – theksoi Hirësia
e Tij – përshkon tej e ndanë lutjen publike të Kishës”.Pas kardinalit Arinze, foli
peshkopi Hilarion Alfejev, përfaqësues i Kishës ortodokse ruse pranë institucioneve
evropiane. “Dashuria e Hyjit – kujtoi peshkopi ortodoks - e kapëcen kufirin e mendjes
njerëzore, prandaj është tepër e vështirë, për të mos thënë e pamundur, të shprehet
me fjalë. Dashuria e pashprehshme e Hyjit ndjehet fuqimish nga zemrat, që ia hapin
portat, nga njerëzit që janë të aftë të kalojnë nga mjerimi i tyre njerëzor, tek
mëshira hyjnore, që hyn atje ku nuk mund të hyjë asnjë mjek: në shpirtin e njeriut!
Mëshira hyjnore është dhuarta më e madhe që mund t’i bëhet njeriut!