Tre vjet burg për disidentin kinez. Protestojnë SHBA-të dhe "Reporterë pa kufi"
(03.04.2008 RV)Ambasada amerikane në Pekin protestoi sot dhe shprehu indinjatën
e vet për akuzën tendencioze, që dënoi me tre vjet e gjysëm burg disidentin kinez
Hu Jia. Akuza, që të kujton atë shqiptare për agjitacion e propagandë, ka qenë: kritika
ndaj Partisë Komuniste Kineze. Notë proteste edhe nga organizata “Reporterë pa kufi”,
e cila u ka kërkuar qeverive evropiane të pezullojnë dialogun e nisur me Kinën për
të drejtat e njeriut.
Dalai Lama i ka kërkuar bashkësisë ndërkombëtare
të vazhdojë ushtrimin e presionit mbi autoritetet kineze që të ndalin dhunën në Tibet.
Ai kujton edhe se shtypja me forcë e protestave vazhdon jo vetëm në Tibet, por
edhe në zonat me shumicë tibetane si Qinghai, Gansu, Sishuan e Junan, ku jetojnë miliona
tibetanë.