Кароль саўдаўскай Аравii прапануе арганiзаваць мiжрэлiгiйнае спатканне.
Кароль Саудаўскай Аравii Абдулла Бiн Абдэль-Азiз заявiў, што мае намер правесцi спатканне
памiж прадстаўнiкамi “монатэiстычных рэлiгiй”, у якiм прыймуць удзел тыя, што наследуюць
традыцыi Карана, Эвангелля i Старога Запавету. Арабская газета “Al Hayat” паведамiла
аб iнiцыятыве саўдаўскага караля, якi заявiў аб гэтым пад час канфярэнцыi, што прайшла
ў Эр-Рыядзе i была прысвячана дыялогу iсламскага свету i Японii. Кароль закрануў
у сваёй прамове сiтуацыю напружанасцi, якая выклiкана неразуменнем, што iснуе памiж
рознымi культурамi i цывiлiзацыямi ў свеце. Абдэль-Азiз таксама паяснiў, што з дапамогай
гэтай iнiцыятывы ён жадае ўнесцi свой ўклад у збаўленне чалавецтва ад заняпаду. Саудаўскi
кароль удакладнiў, што ўжо гаварыў аб сваiх планах са Свяцейшым Айцом Бенедыктам XVI°,
якi падтрымаў згаданую iдэю пад час вiзiта караля ў Ватыкан у лiстападзе мiнулага
года. “Я, - зазначыў кiраўнiк Саудаўскай Аравii, - удзячны Папе за тое, як ён прыняў
мяне. Гэта было цёплае спатканне памiж двума людзьмi, а не памiж двума манархамi. Газета
“Al Hayat”, якая выдаецца ў Лондане, паведамiла аб “далучэннi да задумы караля” рэлiгiйных
лiдэраў Саудаўскай Аравii, дзе iслам iснуе на аснове строгiх канонаў ваххабiзма.