Патрыярх Мiшель Саббах заклiкаў да мiру на Святой Зямле.
“Верыць у Езуса, памёрлага i ўваскрослага, значыць верыць i спадзявацца, што гэта
зямля, аддадзеная на смерць некаторымi кiраўнiкамi i звязаная грамадзкiм меркаваннем,
можа аднавiцца”, - сказаў лацiнскi Патрыярх Ерусалiма, монс. Мiшэль Саббах, пад час
пасхальнага казання. “Зямля, - зазначыў ён, - штодзённасць якой ужо на працягу гадоў
зрабiлася сталым крыжом, акрывавленым жыццём, у якiм ёсць нянавiсць, вязнi, забiтыя
людзi, разбураныя хаты, акупацыя i няпэўнасць. Падзеi апошнiх тыдняў, якiя адбылiся
ў сектары Газа, напад на ерусалiмскую iешыву, забойства маладых людзей у Бэтлiеме
i ўсё iншае, з’яўляюцца паўторам падзей мiнулых гадоў. Мы няспынна паўтараем: бяспека
не паходзiць ад няпэўнасцi, якая пануе ў дамах iншых. Неабходна абраць новыя шляхi”. Патрыярх
Саббах заклiкае “глядзець у гару, разважаць аб Хрысце, памёрлым i ўваскрослым, каб
даць гэтай зямле новую надзею”. Галава католiкаў лацiнскай традыцыi на Святой Зямле
звярнуўся i непасрэдна да Iзраiля: “выбраны народ, тваё паклiканне такое самае як
i паклiканне Езуса – нанова даць жыццё свету i самому сябе. Вайскоўцы, тыя, што плануюць
войны, iнтэлектуалы Iзраiля, вам трэба перагледзiць ваша паклiканне i паклiканне гэтай
зямлi, абранасць, вечны саюз, каб заключыць саюз з Богам, з усiм чалавецтвам i адкрыць
крынiцу новага жыцця на Святой Зямле i на ўсёй планеце”.