ഫോക്കൊളാരി പ്രസ്ഥാനത്തിന്‍റെ സ്ഥാപക ക്യാര ലുബിക്കിന്‍റെ നിര്യാണത്തില്‍ മാര്‍പ്പാപ്പാ ഖേദം രേഖപ്പെടുത്തി.

ഫോക്കൊളാരി പ്രസ്ഥാനത്തിന്‍റെ സ്ഥാപക ക്യാര ലുബിക്കിന്‍റെ നിര്യാണത്തില്‍ മാര്‍പ്പാപ്പാ ഖേദം രേഖപ്പെടുത്തി. സഭാകൂട്ടായ്മ, എക്യുമെനിക്കല്‍ സംഭാഷണം, സകല ജനതകളുടെയും സാഹോദര്യം എന്നിവ പരിപോഷിപ്പിക്കുന്നതിനുള്ള ക്യാരലുബിക്കിന്‍റെ നിരന്തര പരിശ്രമങ്ങളെ ബനഡിക്ട് പതിനാറാമന്‍ പാപ്പാ ഫോക്കൊളാരി പ്രസ്ഥാനത്തിന്‍റെ സഹാദ്ധ്യക്ഷന്‍ ഫാദര്‍ ‍ഒറേസ്തെ ബാസ്സോക്കയച്ച തന്‍റെ അനുശോചനക്കമ്പി സന്ദേശത്തില്‍ പ്രത്യേകം അനുസ്മരിക്കുന്നു.മാര്‍ച്ച് പതിനാല്, വെള്ളിയാഴ്ച വെളുപ്പിനായിരുന്നു രോഗബാധിതയായിരുന്ന ക്യാരലുബിക്കിന് അന്ത്യം സംഭവിച്ചത്. 88 വയസ്സായിരുന്നു പ്രായം. 1940കളില്‍ ക്യാര ലുബിക് സ്ഥാപിച്ച ഫോക്കൊളാരി പ്രസ്ഥാനം ഇന്ന് 180 ഓളം നാടുകളില്‍ വ്യാപിച്ചിരിക്കുന്നു.