У Маскве прайшла прэзентацыя энцыклiкi Бенедыкта XVI° "Spe salvi".
У расiйскай сталiцы прайшла прэзентацыя другой энцыклiкi Свяцейшага Айца Бенедыкта
XVI° “Spe salvi” /Збаўленыя надзеяй/. Энцыклiка была надрукавана ў расiйскiм францысканскiм
выдавецтве пры супрацоўнiцтве з Апостальскай нунцыятурай i каталiцкiм iнфармацыйным
агенствам “Agnuz”. Прэзентацыя прайшла 25 сакавiка пры культурным цэнтры “Духоўная
бiблiятэка”. У ёй прынялi ўдзел: арцыбiскуп у Маскве монс. Паоло Пеццы, з каталiцкага
боку, i праваслаўны святар а. Уладзiмiр Шмалiй, сакратар Сынадальнай тэалагiчнай камiсii
Маскоўскага патрыярхата i вiцэ-рэктар Тэалагiчнай акадэмii ў Сергiявым Пасадзе. Цэнтр
“Духоўная бiблiятэка” быў адкрыты ў Маскве ў 1993 годзе фондам “Хрысцiянская Расiя”
разам з мiнскiм Праваслаўным цэнтрам iмя святых Кiрыла i Мятода i маскоўскiм аддзяленнем
дабрачыннай каталiцкай арганiзацыi “Карытас”. У iм разам працуюць католiкi i праваслаўныя,
якiя арганiзуюць спатканнi, выставы, публiкацыi экуменiчнага характара. На базе цэнтра
ў 2006 годзе ўжо было арганiзавана абмеркаванне працы Свяцейшага Айца “Уводзiны ў
хрысцiянства”, прадумову да якой зрабiў галава Аддзела знешнiх царкоўных зносiнаў
Маскоўскага патрыярхата мiтрапалiт Кiрыл.