Тэме годнасці жанчыны ў сучасных грамадствах прысвячаны шэраг сакавіцкіх паседжанняў
у Місіі пастаяннага назіральніка пры ААН ад Ватыкану.
Праца вялася як на ўзроўні ацэнак і рэкамендацый, так і па ўплыве на фінансаванне
адпаведных праграм, якія б спрыялі рэальнай роўнасці прадстаўніц пяшчотнага полу
на ўсіх узроўнях жыцця грамадства. Эканамічная справядлівасць і аўтаномнасць у прыняцці
рашэнняў для жанчын - вось пытанні, на якіх засяродзіліся запрошаныя Пастаянным назіральнікам
Святога Пасаду пры ААН арцыбіскупам Челесціно Мільёрэ. Гаспадар паседжанняў зрабіў
акцэнт на пераймальнасці сацыяльнай дактрыны Царквы ў прымяненні яе непасрэдна да
жанчын. Умовы жыцця, працоўнай і творчай дзейнасці, раскрыцця талентаў і творчага
патэнцыялу для сям'і, вытворчасці і ўзбагачэння розных грамадстваў сучаснай гісторыі
. Гэта задача, пра якую павінны клапаціцца на ўсіх узроўных - міжнародным і лакальным.
Неабходна найперш высока цаніць працу жанчын ў хаце, у выхаванні ўласных дзяцей і
наогул у справе ўсласцівага жанчыне клопату аб дзяцінстве ў цэлым. Калі гэтыя намаганні
жанчын не адлюстроўваюцца ў эканамічнай і палітычнай кангламерацыі, такія грамадствы
дыскрымінуюць жанчын, - адназначна сцвердзілі ўдзельнікі паседжанняў. Місія Пастаяннага
назіральніка Святога пасаду пры ААН напрацягу ўсяго перыяду ўважліва сочыць за ажыццяўленнем
артыкулаў праграм, прысвечаных развіццю жанчыны, як ў краінах Заходняй Еўропы, так
і ў тых, што стаяць на шляху развіцця." Гэта менавіта і адпавядае сацыяльнай дактрыне
каталіцкае Царквы!"-, яшчэ раз падкрэсліў арцыбіскуп Мільёре ў ААН.