Адбылася яна ў двух частках. З пачатку Папа сустрэўся ў Базыліцы Сьвятога Пятра
з індывідуальнымі пілігрымамі і вернікамі а затым у зале імя Папы Паўла 6-га з зарганізаванымі
групамі. Была гэта адзінаццатая сустрэча Бэнэдыкта 16-га з вернікамі ў гэтым годзе.
У сёньняшняй катахэзе Сьвяцейшы Айцец увёў вернікаў у таямніцу Пасхальнага Трыдума
( Трох апошніх дзён перад Пасхай). У гэтых днях мы будзем перажываць мукі, сьмерць
і ўваскрасеньне Ісуса Хрыста Ужо заўтра мы будзем
урачыста ўспамінаць Апошнюю Вячэру, ў часе якой Госпад Ісус устанавіў Сакрамант Эўхарыстыі
і сьвятарства ды перадаў нам усім новае прыказаньне братэрскае любові. Вялікая
Пятніца- сказаў далей Сьвяцейшы Айцец- прыпамінае нам таямніцу мукаў і сьмерці Збавіцеля.
Багаслужба не прадбачвае ў гэтым дні адпраўляньня Сьвятой Імшы. Хрысьцічянская Супольнасьць
зьбіраецца, каб разважаць над таямніцаю граху і адкупіцельнага цярпеньня, якое Сын
Божы прыняў з любові да нас. Вялікая Субота характарызуецца глыбокім маўчаньнем,
якое суправаджае таямніцу Гасподняга Гробу і чаканьня Уваскрасеньня. У Багаслужэньнях
папярэдзіць яе Пасхальная Вігілія, ў часе якой Касьцёл урачыста прыпамінае стара і
нова запаветныя здарэньні, якія паказваюць, як Бог захоўвае вернасьць свайму абяцаньню.
Гэтую Вячэрню замыкае радасны ўспамін раніцы ўваскрасеньня. Варта памятаць- сказаў
на заканчэньне сваёй сёньняшняй катахэзы Бэнэдыкт 16—што менавіта дзякуючы Багаслужэньням
гэтыя гістарычныя здарэньні з мінуўшчыны пастаянна прыпамінаюцца, так што сапраўды
мы можам мець удзел у пладах збаўленьня. Затым Папа зрабіў заклік за мір у Тыбэце,
сказаўшы наступнае: “З вялікім неспакоем я сачу за здарэньнямі, якія праходзяць у
Тыбэце. Маё бацькаўскае сэрца адчувае смутак і боль з прычыны цярпеньня так многіх
асоб. Таямніца мукаў і сьмерці Ісуса, якую перажываем нанава ў Вялікім Тыдні, дазваляе
нам быць асабліва ўражлівымі на іх сітуацыю. Заклікаю вас- зьвярнуўся Бэнэдыкт 16
да прысутных вернікаў- прылучыцца да маёй малітвы. Упрошвайма Усемагутнага Бога,
крыніцы сьветласьці, каб асьвяціў розумы усіх і абдарыў кожнага адвагаю выбару дарогі
дыялогу і талерантнасьці На заканчэньне аўдыенцыі Сьвяцейшы Айцец прывітаў
усіх вернікаў, асабліва хворых, моладзь ды новыя шлюбныя пары, надзяляючы на ўсіх
сваё Апостальскае Блаславенства.