Памерла К"яра Любіх заснавальніца міжнароднага каталіцкага Руху Фоколяры-- адна з
галоўных постацяў грамадзкага і рэлігійнага жыцьця на сьвеце
Ноччу з чацьверга 13-га сакавіка на 14-га памерла на 88-м
годзе жыцьця ў сваім доме ў Рокка ді Папа, блізка Рыму, К”яра Любіх. Нарадзілася
яна ў 1920-м годзе ў італьянскім горадзе Трэнто. У часе Другой Сусьветнай Вайны маладаая
настаўніца заснавала вогнішчы дапамогі. Ад слова “Фоколярэ”- вогнішча, паходзіць
назоў цэлага сьвецкага руху, ў які перамянілася ў часе вайны гэтая сетка дапамогі.
Дзейнасьць, якой істотай было ўзмацоўваньне жыцьця згодна з хрысьціянскімі вартасьцямі
ды ў духу дыялогу і прымірэньня, атрымала падтрымку Рымскіх Папаў. На сёньняшні
дзень з Рухам Фоколяры ёсьць зьвязаных больш за 6-ць мільёнаў людзей са 182-х краін
сьвету, 350-т Цэркваў і царкоўных супольнасьцей. Тут трэба прыгадаць, што ў часе
апошняга візіту у Рыме, Усяленскі Патрыярх Барталамей І сустрэўся з К”ярай Любіх,
якая тады знаходзілася ў Паліклініцы Джэмэльлі. Рух Фоколяры наладзіў адносіны з
Канстантынопалям яшчэ 40-к гадоў таму назад, за часоў Патрыярха Атэнагора І-га.
У 1977-м годзе К”яра Любіх атрымала ў Лёндане Прэмію Тэмплетона за заангажаваньне
ў поступ рэлігійнага дыялогу. Атрымала таксама і іншыя ўзнагароды, між іншым, Мірную
Прэмію ЮНЭСКА, ды Прэмію Усяленскага Экумэнічнага Патрыярхату.