Vdiq Chiara Lubich, themeluesja e Fokolarinëve. Papa: një jetë e shpenzuar për vëllazërimin
mes popujve
Vdiq natën e kaluar
në Romë Chiara Lubich, themeluese e Lëvizjes së Fokolarinëve. Kishte 88 vjeç e prej
kohe ishte e sëmurë. Papa Benedikti XVI në një telegram dërguar familjarëve e mbarë
Veprës së Marisë - Lëvizjes Fokolarine shpreh ngushëllimet e sinqerta e vlerëson “jetën
e kësaj gruaje që u dallua deri në mbarim nga dashuria e palodhur për Jezusin e braktisur”.
Ati i Shenjtë Racinger falenderon Zotin “për dëshminë e ekzistencës së saj shpenzuar
në dëgjim të nevojave të njeriut bashkëkohor në besnikëri të plot me Kishën e Papën”
dhe uron “që ata persona që e kanë njohur e takuar, duke admiruar madhështitë që Zoti
ka bërë përmes zellit të saj misionar, të vijojnë gjurmëve të saj duke mbajtur gjallë
karizmen”. Të shumta mesazhet e ngushëllimit që vazhdojnë të arrijnë nga mbarë
bota, nga ana e liderëve fetarë, politikanë, civilë e njerëz të thjeshtë. Funerali
i Chiara Lubich do të mbahet të martën e ardhshme më 18 mars në ora 15.00 në Bazilikën
e Shën Palit Apostull në Romë e do të kryesohen nga sekretari i Shtetit të Vatikanit,
kardinali Tarcisio Bertone. Ndërkohë që sot pas dite në Qendrën ndërkombëtare të Lëvizjes
Fokolarine në Rocca di Papa afër Romës, kanë filluar nderimet e besimtarëve e të gjithë
atyre që duan ti shprehin nderimet kësaj figure të jazhtëzakonshme fetare të kohës
sonë.