У Женеве праходзiць выстава малюнкаў былых дзяцей-салдатаў з Афрыкi.
“Вайна, надзея i мiр”. Пад такой назвай у Жэневе адкрылася выстава малюнкаў былых
салдатаў-дзяцей з Паўночнай Уганды. Выстава пройдзе да 14 сакавiка ў палацы ААН. Малюнкi
былi зроблены пад час курса рэабiлiтацыi згаданых дзяцей, арганiзаванага неўрадавай
арганiзацыяй “AVSI”. Правясцi выставу прапанавалi Апостальскi пасад i пасольства Уганды
пры ААН. Экспазыцыя, падзеленая на тры часткi, паведамляе аб жахах, якiя выпалi на
долю дзяцей, iх жаданне вярнуцца да нармальнага жыцця i iх надзеi. Гэтыя дзецi
былi адарваныя ад уласных семьяў i замест родных павiнны былi абдымаць вiнтоўкi i
забiваць. Па дадзеных UNICEF, выкрадзеныя членамi паўстанчай армii, 15.000 дзяцей
ва ўзросце ад 10 да 14 гадоў былi прымушаны ваяваць. Тысячы з тых, якiм пашчасцiла
быць вызваленымi цi ўцякчы, атрымалi дапамогу ад арганiзацыi “AVSI” у тым, што тычыцца
нармальных умоў жыцця. Вось што паведамiў аб гэтых дзецях генеральны сакратар
згаданай дабрачыннай арганiзацыi: “Яны былi прымушаны да насiлля нават у адносiнах
да сваiх родных, часам вяртаючыся ва ўласныя вёскi дзеля рабавання. У момант, калi
гэтыя дзецi - праз уцёкi цi вызваленне - аказвалiся на волi, яны былi псiхалагiчна
зруйнаваныя. Жах таго, што яны былi прымушаны рабiць цi перанеслi самi, пакiнуў на
iх глыбокi след. Найбольш цяжкай праблемай было даць iм надзею ў жыццi i надзею на
магчымасць вярнуцца ў сваё роднае сацыяльнае асяроддзе. Пры дапамозе псiха-сацыяльнай
тэрапii, асноўным iнструментам якой было маляванне, былые дзецi-салдаты здолiлi паведамiць
нам аб драме, якую яны перажылi, аб сёняшнiх днях. Яны паведамiлi аб сваiм жыццi ў
грамадах, што аказалi iм гасцiннасць, цi аб знаходжаннi ў лагерах для ўцекачоў; паведамiлi
аб уласных надзеях на будучыню i аб вартасцi жыцця, да якога яны вярнулiся. Выставу
высока ацанiў арцыбiскуп Сiльвано Марыя Томазi, сталы наглядальнiк Апостальскага Пасада
пры аддзяленнi ААН у Жэневе, якi зазначыў, што галоўным у гэтай iнiцыятыве ёсць накiраваная
да дзяцей-салдатаў дапамога прабачыць i быць прабачанымi дзеля таго, каб пачаць новае
жыццё. Наша даведка: у 2006 годзе, дзякуючы мiрным дагаварам памiж урадам i паўстанцамi,
насельнiцтва Паўночнай Уганды жыве ва ўмовах адноснага мiру, але ў свеце ёсць яшчэ
больш за 250.000 дзяцей уцягнутых ва ўзброенныя канфлiкты.