Shqipëria fillon negociatat me BE-në për liberalizimin e vizave
(07.03.2008 RV)Komisioni Evropian filloi sot negociatat me Shqipërinë për liberalizimin
e vizave. Me këtë rast, ishte në Tiranë zv.presidenti i Komisionit, italiani Franko
Fratini. “Përmirësimi i dokumentave të identitetit, lufta kundër kriminalitetit të
organizuar dhe kundër trafikëve, kufij të kontrolluar mirë”: këto ishin kërkesat që
Fratini i rreshtoi para kryeministrit shqiptar, Sali Berisha, për nënshkrimin e marrëveshjes,
që do t’i lejojë shqiptarët të lëvizin lirisht në vendet e Bashkimit Evropian. Pasi
mori premtimet e Berishës, Fratini theksoi se nëse plotësohen të gjitha kushtet, marrëveshja
për vizat mund të nënshkruhet edhe brenda vitit 2009.
Sot Shqipëria feston
7 marsin, ditën e mësuesit. Duke pasur parasysh nivelin e ulët aktual të shkollave
në vend, por duke qenë e vetëdijshme për punën e çmuar të mësuesve, qeveria ka vendosur
të dyfishojë buxhetin për arësimin. Kryeministri Berisha lajmëroi për këtë në një
takim me mësuesit e shkollave të Tiranës, në të cilin ai uroi arësimtarët e të gjithë
vendit për festën.