Дзяржаўны сакратар Ватыкану знаходзiцца з вiзiтам у Арменii.
Дзяржаўны сакратар Ватыкану, кардынал Тарчызiо Бертоне з 4 сакавiка распачаў свой
вiзiт у Арменiю i Азербайджан. Раней планавалася, што падарожжа кардынала Бертоне
распачнецца ўжо 2 сакавiка, але потым праграма вiзiту была зменена з-за беспарадкаў
у сталiцы Арменii, дзе нават быў аб’яўлены “надзвычайны стан”. У планы Дзяржаўнага
сакратара Апостальскай сталiцы уваходзяць спатканнi з прадстаўнiкамi цывiльных i рэлiгiйных
ўладаў абодвух краiнаў, Арменii i Азербайджана. Ужо адбылася сустрэча з галавой Армянскай
Апостальскай Царквы Карэкiнам II°, пад час якой кард. Бертоне перадаў яму лiст Свяцейшага
Айца Бенедыкта XVI°, у якiм Папа падцвердзiў iмкненне Каталiцкай Царквы да развiцця
экуменiзму ў супрацоўнiцтве з Армянскай Апостальскай Царквой. У Арменii, з якой
монс. Бертоне, пачаў сваё падарожжа на Каўказ, iснуе i невялiкая колькасць вернiкаў-католiкаў,
што складае каля 8% насельнiцтва. Яны ўскладаюць вялiкiя надзеi на вынiкi наведвання
iх краiны высокiм госцем з Ватыкана i на дапамогу Апостальскай сталiцы.