Бяспечна паломнічаць у Святую Зямлю. Такую заяву зрабіў біскуп Мюнхена Энгельберт
Зіблер. Ён вярнуўся з Ізраіля і Палестынскай аўтаноміі, асабіста праверыўшы пытанні
бяспекі для пілігрымаў.
"У святых месцах Ізраілю і Палестынскай аўтаноміі не быў падзвергнуты небяспецы аніхто.
Існуе небяспека ў сектары Газа, але гэта не месца паломніцтва."- заявіў нямецкі біскуп.
Ён папярэджвае пра іншую небяспеку - што на Святой Зямлі не застанецца хрысціянаў.
Праз падвышэнне ўсціску на іх з боку радыкальных арабаў-мусульманаў існуе пагроза,
што хрысціяне арабскага паходжання пакінуць Ізраіль і Палестыну, да таго ж пабудаваная
сцяна між Ізраілем і заходнім берагам ракі Ярдан адрэзала хрысціянам з гэтага боку
доступ да санктуарыеў і школ. Голаснае чытанне Бібліі ў Ерусаліме, Бетлееме,
на Генісарэцкім возеры глыбока кранае душы вернікаў. Цяпер, з усімі перашкодамі, людзі
павінны адмовіцца ад так глыбокіх перажыванняў веры на месцах, дзе нарадзіўся ў чалавекі
Госпад наш Ісус Хрыстос. Да таго ж , Ізраіль цяпер - звычайная сучасная дзяржава,
дзе ўзровень жыцця і тэхналогій такі самы, як, напрыклад, у Германіі. Дык, лічыць
біскуп з Мюнхена, тое, што дае магчымасць адчуць 2000-тысячагадовую гісторыю хрысціянства
- гэта раскопкі. І менавіта да іх павінен аднавіцца свабодны доступ для паломнікаў
усіх хрысціянскіх намінацый, пра што павінны клапаціцца не толькі людзі Цварквы, але
і палітыкі. Ддыяцэзіі Баварыі плануюць правесці ў сакавіку новага году вялікую
пілігрымку ў Святую Зямлю, каб прадэманстраваць сваю рэальную каталіцкую салідарнасць
з хрысціянамі і ўсімі людзьмі добрае волі , што жывуць у Святой Зямлі.