У Рыме пачала працы 26 генеральная Капітула ордэну салезіянаў Дона Боско. Папа Бенедыкт
16 даслаў прынагоднае прывітанне ўсім ўдзельнікам і членам Кангрэгацыі. Сярод іх ёсць
і некалькі дзясяткаў беларусаў і беларусак.
Наогул у 129 краінах свету нясуць сваю службу 15.700 законнікаў і законніц. Абадзёрваючы
іх, Папа Бенедыкт 16 навучае:"Калі адмаўляешся ад усяго ,каб наследаваць Госпаду,
калі Ён дае найбольш дарагое, вартае кожнага ахвяравання, не трэба здзіўляцца, што
, як гэта здарылася з Боскім настаўнікам, ты стаешся як бы знакам супрацьстаўлення,
бо для пасвячанай асобы і лад думання і лад паводзін часта ўступае у кантраст са свецкаю
логікай. напраўду, супрацьстаўленне і складаецца з таго, што твой лад жыцця ёсць
альтэрнатыўным у параўнанні сучаснаму стылю і выяўляе ў нейкай ступені прарочае бачанне.
Але трэба заўсёды быць гатовымі да магчымых пранікненняў сэкулярызму і заставацца
стойкімі выбранаму шляху і ідэалу, пераўзыходзячы "свабодную мадэль" кансакраванага
жыцця і кіруючыся заўсёды прыарытэтам любові да Бога і бліжняга." Далей Папа
прыгадаў невычэрпную крыніцу сілы для пасвячанай асобы: Боскае чытанне Lectio
Divina і Эўхарыстыя, якія трэба намагацца сведчыць жыццём.