365 ditë me njerëz e ngjarje që ia ndryshuan faqen botës.
(01.03.2008 RV)1 mars: Kisha themelon “Paqen e Hyjit” Me ndihmën
e Karolingëve, Pipinos së Shkurtër, Karlit të i Madh e Ludovikut II të Përshpirtshëm,
Papa lartohet në rangun e një personaliteti të fuqishëm politik. Pa të nuk mund të
bëhet asnjë kurorëzim. Nga ana tjetër, mbretërit e Francës fitojnë autoritet të
madh e vihen në shërbim të një Kishe të fortë, që nis të organizojë shoqërinë. Secila
katedrale ka një shkollë të vetën; të pasurit, duke dashur t’i shkollojnë sa më
mirë fëmijët, shkruajnë doracakë kushtuar jetës së krishterë. Më pas, kur pushteti
sovran dobësohet e luftërat ndërmjet feudalëve bëhen gjithnjë më të ashpra, është
Kisha ajo që siguron rendin, duke themeluar atë që u quajt ‘paqja e Hyjit’: ditë
e detyrueshme armëpushimi.