Tadiç dhe Koshtunica me mendime të ndryshme për integrimin evropian të Serbisë
(28.02.2008 RV)Presidenti dhe kryeministri serb nuk merren vesh për qëndrimin
që duhet mbajtur ndaj Kosovës dhe Bashkimit Evropian. Sot, presidenti serb, Boris
Tadiç ka deklaruar për gazetën spanjolle “El Pais” se Beogradi nuk ka ndërmend të
heqë dorë nga Kosova, por do të bëjë të gjitha përpjekjet për t’u integruar në Bashkimin
Evropian. Ndërsa Koshtunica, në një intervistë për një televizion rus, shprehet se
nuk do të vazhdojnë diskutimet për integrim me Brukselin, përveçse në rastin kur Evropa
t’i konsiderojë si një e të pandara Serbinë dhe Kosovën. Nga ana e tij, komisari për
zgjerimin, Olli Rehn deklaroi sot në Vjenë se Brukseli është gati të vazhdojë rrugën
e nisur për nënshkrimin e Marrëveshjes së Asociim-Stabilizimit me Serbinë, bllokuar
nga vetë Beogradi. Nga Sofja, ku merr pjesë në mbledhjen e ministrave të jashtëm
të Evropës Juglindore, serbi Vuk Jeremiç deklaroi se “çdo njohje e pavarësisë së Kosovës
është sulm kundër sovranitetit të Serbisë”. Ndërkaq, NATO ka zhvendosur më shumë trupa
në veri të Kosovës, ku priten më tepër probleme. Dy bataljone rezervë të KFOR-it janë
në gjendje alarmi.