Rusia përgatitet për zgjedhjet presidenciale. Dihet se kush do të fitojë.

(28.02.2008 RV)Dy ditë e ndajnë Rusinë nga zgjedhjet e ardhshme presidenciale të së dielës, 2 mars. Rezultati është i njohur për shumicën e rusëve, pasi loja e kryesuar nga presidenti Putin do të sjellë në pushtet delfinin e tij, Dimtrij Medvedev, presidentin aktual të Gazpromit. Ky i fundit do ta tërheqë Putinin në krye të qeverisë së re, pra nga president në kryeministër. Pretendetët e tjerë për fronin, që gjithnjë e më tepër po kthehet në atë të carëve të dikurshëm, janë komunisti Genadi Zhuganov, liberaldemokrati eksentrik Vladimir Zhirinovski dhe masoni gjysëm i panjohur, Andrei Bogdanov. Askush prej tyre nuk e kapërcen 15%-shin e preferencave, siç tregojnë sondazhet e fundit. Duket se popullsisë ruse i intereson më tepër se kush do të zgjidhet president në SHBA, pra kush do të jetë figura me të cilën do t’u duhet të ndeshen në arenën ndërkombëtare.