Бэнэдыкт 16 ў нядзелю 24 лютага адведаў рымскую парафію Маці Божай Вызваліцельніцы
Кіруюць ёю айцы салезыяне і знаходзіцца яна ў рымскім квартале Тэстачо непадалёк ад
Авэнтыну. Нагодаю візыту быў юбілейны год, які там ушаноўваецца з прычыны сотавае
гадавіны высьвячэньня Касьцёла. Як у многіх вялікіх гарадах, душпастырскія выклікі
спалучаюцца там з працэсам сэкулярызацыі і абыякавасьцю адносна веры- сказаў Ватыканскаму
Радыё ейны парах айцец Манфрэдо Леонэ. Сьвяцейшы Айцец прыбыў да гэтае парафіі
перад паўднём. У Сьвятой Імшы Папа спаслаўся да фрагмэнту Эвангэльля аб Самарытанцы,
што чыталася ў Касьцёлах у Трэцюю Нядзелю Вялікага Посту. “Бог жадае нашае веры і
хоча, каб мы ў Ім адшукалі крыніцу сапраўднага шчасьця”- сказаў Бэнэдыкт 16. Зьвярнуў
увагу, што кожны хрысьціянін выстаўлены на рызыка фальшывае рэлігійнасьці, якая не
шукае найважнейшых адказаў у Бога, але наадварот выкарыстоўвае Яго да ажыцьцяўляньня
сваіх уласных планаў. Тымчасам толькі Бог ў стане заспакоіць найбольш глыбокія жаданьні
чалавека. Сустракаючыся пасьля Сьвятой Імшы ў зале араторыі з прадстаўнікамі парафіяльнае
рады ды моладзі, Сьвяцейшы Айцец таксама спаслаўся да тэмы Эвангэльля дня. “Гэтая
самарытанская жанчына можа быць прадстаўніком сучаснага чалавека і сёньняшняга стылю
жыцьця”- заўважыў Папа ды дадаў “мы бачым таксама, як вялікае ў яе жаданьне адшуканьня
сапраўднага шчасьця і сапраўднае радасьці. Гэтае жаданьне узбуджае ў яе неспакой
і аддаляе ад шчасьця”. Далей Бэнэдыкт 16 гаварыў: “кранаючым для мяне ёсьць факт,
што хаця гэтая жанчына жыла ў так павярхоўны спосаб, далёка ад Бога, то аднак у хвіліне,
калі прамовіў да яе Хрыстос, відаць у глыбіні яе сэрца пытаньне: ці існуе Бог? Кім
Ён ёсьць? У які спосаб магчыма Яго ўшанаваць? Папа падкрэсьліў, што ў самарытанскай
жанчыне можна заўважыць люстра ўласнага жыцьця ды факт, што ў глыбіні чалавечага сэрца
заўсёды прысутнае пытаньне пра Бога і чаканьне Яго. Нашыя дзеяньні зьяўляюцца выяўленьнем
гэтага чаканьня. Адказваючы на іх і нясучы іншым сьвятло Бога і мы самі гэтае сьвятло
арымліваем. Падзяляючыся вераю і мы ў веры ўзрастаем. Мы даходзім да зразуменьня,
што гэтая вера ёсьць вадою, якой жадаем- сказаў Папа на заканчэньне сустрэчы з прадстаўнікамі
парафіяльнае рады ды моладзі