У Сафii пройдзе спатканне каталiцкiх бiскупаў, прысвячанае праблеме змешаных шлюбаў.
Падрыхтоўка маладых людзей i падтрымка сямейных пар, дапаможнiк па заключэнню змешаных
шлюбаў у Еўропе i правядзенне Года ап. Паўла ў Турцыi – гэтыя тэмы будуць абмяркоўвацца
на восьмым спатканнi Старшыняў Бiскупскiх канфярэнцый Паўднёва-усходняй Еўропы. Сустрэча
пройдзе з 28 лютага да 2 сакавiка ў сталiцы Балгарыi. У ёй прыймуць удзел прадстаўнiкi
Каталiцкай Царквы з Албанii, Боснii i Герцагавiны, Балгарыi, Грэцыi, Румынii, Турцыi
i Мiжнароднай бiскупскай канфярэнцыi, у склад якой уваходзяць прадстаўнiкi Сербii,
Македонii i Чарнагорыi. Iнiцыятарам спаткання выступiла Рада Бiскупскiх канфярэнцый
Еўропы. Узначалiць яго Апостальскi экзарх Сафii i Старшыня Балгарскай бiскупскай канфярэнцыi,
монс. Хрысто Пройкаў. Асаблiвая ўвага ўдзельнiкаў сустрэчы будзе нададзена падрыхтоўцы
маладых людзей i падтрымцы сямейных пар, асаблiва ў выпадку заключэння змешаных шлюбаў
(памiж католiкамi i неахрышчанымi асобамi). Гэта тэма ўжо абмяркоўвалася ў 2007 годзе
ў румынскiм горадзе Орадэа. На мерапрыемства запрошаны таксама прадстаўнiкi праваслаўных
i мусульманаў, якiя выступяць з прамовамi.