Апостальскi адмiнiстратар у Косава выступiў у Еўрапарламанце.
Каталiцкая Царква Косава падтрымлiвае стварэнне незалежнай косаўскай дзяржавы, але
пад умовай захавання праў сербскай меншасцi. Шлях да асягнення гэтай мэты – гэта прабачэнне
i заключэнне мiра. Гэта сутнасць таго, што заявiў Апостальскi адмiнiстратар Косава,
монс. Додйо Гiерджйi, 19 лютага з трыбуны Еўрапейскага парламента ў Страсбургу. Працэс
стварэння косаўскай дзяржавы, якi падтрымлiваецца амаль усiмi краiнамi Еўропы, павiнен
гарантаваць стабiльнасць, мiр i правы меншасцяў, “перад усiм, сербам”, - заявiў прадстаўнiк
Ватыкана. “Большасць албанцаў з’яўляецца “фiла-еўрапейцамi i фiла- хрысцiянамi”, бо
не могуць адмовiцца ад нашых агульных вартасцяў, створаных на працягу гiсторыi”, -
зазначыў монс. Додйо. Тут мы сутыкаемся з рэчаiснасцю, якая “у’яўляе сабой традыцыйны
i памяркоўны тып iслама, што з’яўляецца адкрытым i асаблiвым чынам звернуты да вартасцяў
чалавечага iснавання i да заходняга грамадства”. Албанскi бiскуп гаварыў таксама аб
ролi Каталiцкай Царквы ў экуменiчным дэялiге. “Перад усiм, зазначыў ён, - мы жадаем
наладзiць экуменiчны дыялог з Сербскай Праваслаўнай Царквой, бо належым да хрысцiянскiх
Цэркваў”. У далейшай частцы сваёй прамовы Апостальскi адмiнiстратар Косава падкрэслiў
ролю Каталiцкай Царквы ў гэтым рэгiёне: “Пабудаваць мост памiж двума рэчаiснасцямi
– iсламам албанцаў i хрысцiянствам праваслаўных сербаў. Мы прыкладаем намаганнi да
таго, каб зрабiць найбольшы ўклад дзеля стварэння добрых умоў для дыялога i такiм
чынам забяспечыць мiрнае суiснаванне для ўсiх, хто жыве ў Косава”. “Толькi пры пасрэднiцтве
дыялога памiж Цэрквамi, рэлiгiямi i народамi магчыма стварыць i падтрымлiваць складаную
мазаiку народаў, рэлiгiй, розных моў i традыцый у Косава i ва ўсiм рэгiёне”, - зазначыў
прадстаўнiк Апостальскай сталiцы.