Përfaqësuesit e Kishave të Evropës u takuan sot në Lubianë me Presidencën sllovene
të Bashkimit Evropian.
(19.02.2008 RV)Sipas një praktike,
që tashmë është bërë traditë, sot përfaqësuesit e Kishave të Evropës u takuan në Lubianë
me Presidencën sllovene të Bashkimit Evropian. U pritën nga kryeministri slloven,
që është edhe kryetar i radhës i Bashkimit Evropian, në selinë e tij. U shkëmbyen
mendime kryesisht për problemet parësore të Presidencës sllovene në Bashkim, për dialogun
e Kishave me Bashkimin, veprimtaritë e vitit 2008, që është shpallur vit i dialogut
kulturor, për strehimin politik të refugjatëve dhe politikat e emigracionit.Kishat
përfaqësoheshin nga një delegacion i kryesuar prej imzot Noel Treanor, sekretar i
përgjithshëm i Komisionit të Episkopateve të Bashkimit Evropian (COMECE).