Па блаславенству Патрыярха Маскоўскага i усёй Русi Алексiя II° архiепiскап Гарэхава-Зуеўскi
Алексiй адслужыў Богаслужбу ва Успенскiм саборы Маскоўскага крамля, а архiепiскап
Iстрынскi Арсенiй – у храме Новамучанiкаўi Спаведнiкаў Расiйскiх на Бутаўскiм палiгоне. У
шматлiкiх цэрквах прайшлi панiхiды па праваслаўным вернiкам, што загiнулi ад рук бальшывiкоў. Былы
стралковы палiгон НКВД у Бутава вядомы як адно са шматлiкiх месцаў масавых растрэлаў
i пахаванняў ахвяраў рэпрэсiй у 1930 – 1950-я гады. Толькi ў 1937 – 1938 гадах там
было растраляна 20 765 чалавек – у асноўным гэта былi жыхары Масквы i Падмаскоў’я. На
сёняшнi дзень вядомы iмёны каля тысячы святароў i свецкiх вернiкаў Рускай Праваслаўнай
Царквы, якiя былi растраляны ў Бутава, з iх ужо некалькi сотняў далучаны да лiку святых. Першым
з iх Архiрэйскi сабор 1997 года кананiзiраваў святамучанiка Серафiма, мiтрапалiта
Санкт-Пецярбургскага. Бутаўскi палiгон унiкальны ў Расii па лiку праваслаўных
святых пакутнiкаў, чыi мошчы знаходзяцца ў адным месцы. У 2001 годзе пастановай ураду
Маскоўскай вобласцi ён быў аб’яўлены помнiкам гiсторыi. Храм ў памяць аб пакутнiках
быў закладзены ў 2004 годзе. Яго будаўнiцтва скончылася ў 2007 годзе. У цэрымонii
закладкi храма i яго асвячаннi прыймаў Патрыярх Алексiй II° i галава Рускай Замежнай
Царквы мiтрапалiт Лаўр. У жнiўнi 2003 года на палiгоне быў пастаўлены Паклонны
крыж, якi быў асвячаны каля мура Салавецкага манастыра. Крыж быў прывезены па Беламорканалу,
Анежскаму возеру, па Волге i каналу iмя Масквы. Прыбыўшы ў сталiцу РФ, карабель з
крыжом праплыў каля храма Хрыста Збавiцеля, Новаспасскага манастыра да Паўднёвага
рачнога порта, сiмвалiчна звязаўшы дзве расейскiя “Галгофы” – Бутаўскi палiгон i Салаўкi. Спiс
новамучанiкаў РПЦ паступова папоўнiваецца новымi iмёнамi. На сёняшнi дзень кананiзавана
ўжо каля 1,500 пакутнiкаў. Цяпер супольная група супрацоўнiкаў Рускай Праваслаўнай
Царквы i Рускай Замежнай Царквы па кананiзацыi святых складае адзiны спiс новамучанiкаў,
якiя былi забiты ў камунiстычныя часы.