Vijojnë Ushtrimet Shpirtërore në Vatikan. Kard. Vanhoye ilustron temat e meditimit
para Papës e Kuries Romake.
(11.02.2008 RV)Në Vatikan vijojnë ushtrimet shpirtërore për Krezhëm, me pjesëmarrjen
e Papës. “Krishti deshi deri në fund të fundit, duke rivendosur bashkimin ndërmjet
nesh, mëkatarëve tit të Tij”: kështu u shpreh kardinali Vanhoi në meditimin e parë
të Ushtrimeve shpirtërore krezhmore, në praninë e Papës. Meditimet, me temë: “Presim
Krishtin, Kryepriftin tonë”, frymëzuar nga Letra drejtuar Hebrenjve (Heb. 4, 14),
sivjet propozohen nga kardinali jezuit, Albert Vanhoi, ish-Sekretar i Komisionit Papnor
Biblik. Sot Hirësia e Tij mbajti dy meditime me temë: “Hyji na foli në Birin e
tij” dhe ‘Krishti është Biri i Hyjit e vëllau ynë”. Ushtrimet, që filluan dje
pasdite, do përfundojnë të shtunën e ardhshme. Kujtojmë se gjatë këtyre ditëve ndërpriten
të gjitha audiencat papnore, duke përfshirë edhe atë të së mërkurës, 13 shkurt.