Filluan në Vatikan Ushtrimet Shpirtërore, në praninë e Papës dhe të Kuries Romake.
(10.02.2008 RV)Filluan sot Ushtrimet Shpirtërore, në praninë e Papës dhe të
Kuries Romake. Meditimet krezhmore me temë: “Presim Krishtin, Kryepriftin, sepse kemi
një kryeprift të madh i cili përshkoi qiejt, Jezusin, Birin e Hyjit: të jemi të palëkundshëm
në dëshmimin e fesë”, frymëzuar nga Letra drejtuar Hebrenjve (Heb. 4, 14),
sivjet do të propozohen nga kardinali jezuit, Albert Vanhoi, ish-Sekretar i Komisionit
Papnor Biblik. Ushtrimet, që filluan sot, në orën 18. 00, në Kapelën “Nëna e Shëlbuesit”
të Pallatit Apostolik në Vatikan, me kremtimin e Lutjeve të mbrëmjes dhe meditim e
hapjes me temë “Zoti na foli”, do të përfundojnë më 16 shkurt me kremtimin e Lutjeve
të mëngjesit dhe meditimin përfundimtar.Gjatë këtyre ditëve ndërpriten të gjitha audiencat
papnore, duke përfshirë edhe atë të së mërkurës, 13 shkurt.