7-га лютага памёр Вялікі Магістр Мальтыйскага Ордэну Андру Бэрті. Меў 78-м гадоў.
Быў першым Англічанінам, які ўзначальваў Сувэрэнны Рыцарскі Закон Шпітальнікаў Сьвятога
Яна з Ерусаліму, з Родос і з Мальты. Андру Бэрті паходзіў з арыстакратычнае сям”і,
якая была параднёнаю з брытанскаю каралеўскаю сям”ёю. Па адукацыі быў лінгвістам
і культуразнаўцам. Ведаў пяць моваў. Да Мальтыйскага Ордэну ўступіў у 1956-м годзе.
Урачыстыя шлюбы склаў ў 1981-м, засядаючы затым ва ўладах Ордэну. Вялікім Магістрам
быў выбраны 7-м гадоў пазьней. За ягонага кіраваньня Мальтыйскі Ордэн значна пашырыў
сваю дзейнасьць, асабліва на ніве міжнароднай гуманітарнай дапамогі. Заслугі Вялікага
Магістра Бэрті прыпомніў Папа Бэнэдыкт 16 ў спэцыяльнай спачувальнай тэлеграме. Сьвяцейшы
Айцец падкрэсьліў у ёй асаблівае заангажаваньне Памёршага ў карысьць дапамогі найбольш
патрабуючым, ягоную любоў да Касьцёла ды асабістую культуру як таксама сьведчаньне
ягонага жыцьця, якое прытрымлівалася прынцыпаў Эвангэльля. 3