А паўдні 7-га лютага Сьвяцейшы Айцец прыняў у Ватыкане пробашчаў і душпастыраў
рымскае дыяцэзыі. Такія штогоднія вялікапостныя сустрэчы адбываюцца традыцыйна ў
чацьвер пасьля Папяльцовае Серады і маюць форму дыялогу духоўным з Папам. Тэмаю дыялогу
зьяўляюцца актуальныя душпастырскія пытаньні. Сярод сьвятароў, якія працуюць ў рымскай
дыяцэзыі, ёсьць многа чужынцаў. Рым налічвае больш за 330-ць парафій. На сустрэчу
з Бэнэдыктам 16 прыбылі амаль ўсе пробашчы, а таксама многа вікарыяў, законнікаў і
пастаянных дыяканаў. Пачынаючы сустрэчу Сьвяцейшы Айцец выказаў удзячнасьць ўсім,
якія ў ягоным імені дапамагаюць ў душпастырстве на тэрыторыі рымскае дыяцэзыі. Папа
меў таксама час, каб з кожным прывітацца. На думку сьвятароў, такі кантакт з Папам
ёсьць для іх “узмацаваньнем, заахвочаньнем ды вялікім энтузыязмам”.