Урачыстая Архiрэйская лiтургiя з нагоды 75 гадавiны нараджэння i 50 гадавiны святарскага
служэння кардынала Любамiра Гузара, Галавы Украiнскай Грэка-каталiцкай Царквы, прайшла
прокатэдральным саборы Святой Сафii ў Рыме. Яго павiншаваў таксама Свяцейшы Айцец
Бенедыкт XVI°. У сваiм прывiтальным лiсце, якое зачытаў сакратар кардынала Леонардо
Сандрi, монс. Маурыцiо Мальвестiтi, Папа зазначыў: “Паўсюль мы бачым доказы тваёй
працаздольнасцi i прыклад твайго бiскупскага служэння. Неабходна прызнаць твой разум,
раўнавагу, памяркоўнасць i адкрытасць да дыялогу. Не забудзем таксама i аб тваёй глыбокай
пабожнасцi, апостальскiм служэннi, асаблiвай любовi, здольнасцi быць заўсёды гатовым
да служэння”. У сваю чаргу кардынал Любамiр Гузар адзначыў, што гэты дзень для
яго не з’яўляецца днём нейкага свята, але днём асаблiвай падзякi Пану. Пасля аудыенцыi,
у якой удзельнiчалi ўкраiнскiя бiскупы, што прыбылi ў Ватыкан з вiзiтам “Ad limina”,
Папа размаўляў з iмi. Прыпомнiўшы аб тым, што доўгае выпрабаванне пераследаваннямi
i жыццё ў “катакомбах” узмацнiла УГКЦ у сведчаннi еднасцi i ў вернасцi Бiскупу Рыма,
Галава УГКЦ адзначыў, што сёння гэта Царква глядзiць у будучыню, каб супрацьставiцца
душпастырскiм i iншым праблемам. “Менавiта дзеля таго. Каб адпаведным чынам i
згодна нашай усходняй традыцыi адказаць на гэтыя заданнi, дазволiм сабе яшчэ раз прасiць
для нашай Царквы прызнання Патрыярхата, якога жадаюць вернiкi УГКЦ. Наша жывое iмкненне
– падтрымлiваць жывыя i плённыя сiлы адносiны з установамi Апостальскай сталiцы”,
- зазначыў кардынал Гузар. У сваю чаргу Папа адзначыў вялiкiя асягненнi УГКЦ у
сталым жаданнi умацаваць i здзейснiць еднасць у самых розных грамадствах. Пры гэтым
Бенедыкт XVI° звярнуў увагу на святароў, якiя дапамагаюць бiскупам у iх душпастырскiм
служэннi.