Папяльцовая Серада: Сьвятая Імша ў Базыліцы Сьвятой Сабіны на Авэнтыне
На ролю малітвы і цярпеньня ў перажываньні Вялікага Посту зьвярнуў увагу Папа ў
часе Сьвятой Імшы, якая пачала гэты літургічны пэрыяд. Згодна з традыцыяю Бэнэдыкт
16 адслужыў яе пасьля абеду 6-га лютага ў Базыліцы Сьвятой Сабіны на рымскім узгорку
Авэнтіно. Літургію з пасыпаньнем галоваў попелам папярэдзіла пакутная працэсыя з
паблізкае Базылікі Сьвятога Анзэльма. Малітва ёсьць галоўнаю зброяю ў перамозе
над злым духам- прыпомніў Папа ў казаньні. Сапраўдная малітва заўсёды адкрытая на
бліжняга. Прыпадабняе чалавека, які моліцца, да своеасаблівай “экстазы” любові, да
выхаду з сябе, каб быць блізка другога чалавека ў пакорным і безкарысьлівым служэньні.
Сапраўдная малітва кранае сьвет, бо адкрывае яго да Бога. Дзеля гэтага без малітвы
няма надзеі- сказаў Сьвяцейшы Айцец- а толькі ілюзыі. Без сапраўднага Бога, Бацькі
Госпада Ісуса Хрыста надзеі стаюцца ілюзыямі, якія вядуць да ўцёку аб рэчаіснасьці.
Размова з Богам, прабываньне ў Ягонай прысутнасьці, асьвечэньне і ачышчэньне Ягоным
Словам уводзяць нас ў самое сэрца рэчаіснасьці. На заканчэньне Папа падкрэсьліў,
што дзякуючы спалучэньню малітвы, посту і міласьціны Вялікі Пост фармуе хрысьціянаў,
каб па прыкладу сьвятых былі людзьмі надзеі. Гаворачы аб цярпеньні чалавека Бэнэдыкт
16 указаў цярпеньні Хрыста, якія пранікнутыя сьвятлом любові. З Хрыстовых мукаў
у кожны род цярпеньня ўваходзіць суцяшэньне цераз любоў Бога- так закончыў сваё казаньне
Сьвяцейшы Айцец.