(06.02.2008 RV)Në Psalmin
50 (51), që është lutje pendestare, gjejmë kuptimin e Hyjit e kuptimin e mëkatit,
tmerrin që na shkakton e keqja e bërë e shpresën për të merituar faljen e Hyjit, mjerimin
njerëzor e mëshirën hyjnore. Lutja pendestare është shprehje e shtegtimit pendesatar;
pendesa buron nga pendimi, lidhet me kthesën, çon në pastrimin e zemrës e të shtyn
në rrugën e bamirësisë. Prandaj Origjeni thekson: “I lumi ai që agjëron, për të ushqyer
të varfërin!”. Jeta e krishterë është pendesë e përhershme, sepse është kthesë
e vazhdueshme e sepse Krishti i fton ata që duan ta ndjekin, të marrin çdo ditë kryqin
e vet e të ecin pas Tij. Vlera e pendesës është jashtëzakonisht aktuale: praktika
e pendesës i kundërvihet kulturës së kënaqësisë me çdo kusht, që sot synon të sundojë
në jetën e njerëzimit; është ilaç për brishtësinë e njeriut, që nuk është edukuar
të flijojë; frymëzon tolerancën, aftësinë për për t’i njohur nevojat e për të mbartur
barrën e tjetrit, reformon shoqërinë e kamjes, duke edukuar thjeshtësinë, prirjen
për të kufizuar ushqimin e tepruar, fjalët e panevojshme, shfaqjet e kota, shpenzimet
e panevojshme. Për këtë pendesë kemi sot nevojë.