Koshtunica akuzon Bashkimin Evropjan për zhgënjim të Serbisë e refuzon të nënshkruaj
marrëbeshjen e bashkëpunimit
(05.02.2008 RV)Vojislav Koshtunica akuzon Bashkimin Evropjan pse ka zhgënjyer
Serbinë me propozimin e saj të marrëveshjes politike të bashkëpunimit, duke e quajtur
këte pjesë të një plani perëndimor që ka si qëllim copëtimin e Serbisë duke lejuar
kështu shkëputjen e Kosovës. Kryeministri serbë – i cili në ballotazh pati refuzuar
të mbështeste Boris Tadiqin si kandidat presidencial, edhe pse është aleat i tij në
koalicionin e qeverisë, ka refuzuar marrëveshjen duke i hapur rrugën një krize të
mundshme qeveritare: “Duke e nënshkruar – ka pohuar Koshtunica – Serbia do të njihte
në mënyrë indirekte pavarësinë e Kosovës”. Këndej Koshtunica e ka ftuar parlamentin
të mblidhet me urgjencë për të diskutuar ofertën dhe planin e dislokimit të misionit
civil të Bashkimit Evropjan në Kosovë, të cilin e quajti grackë për Serbinë. Bashkimi
Evropian (BE) ka miratuar dje kuadrin ligjor dhe financiar të misionit të ardhshëm
civil në Kosovë, pas vendimit politik që u mor nga udhëheqësit evropianë në dhjetorin
e shkuar. Faza përfundimtare e procesit do të jetë vendimi për dislokimin e misionit,
që pritet të merret gjatë takimit të ministrave të jashtëm të BE-së më 18 shkurt.