29 студзеня ў Парыжскiм каталiцкiм iнсытуте пачалi выкладаць курс пад назвай “Рэлiгiя,
свецкасць, звязь культур”. Гэты курс пройдуць таксама каля 20 студэнтаў-мусульманаў
з мясцовага мусульманскага iнстытута, якi iснуе пры Парыжскай мячэцi. У праграме курса
прадугледжана вывучэнне права i дэмакратычных вартасцяў Французскай Рэспублiкi. Аб
гэтым заявiў рэктар згаданай навучальнай установы Пьер Канэ ў сваiм артыкуле ў штодзённай
каталiцкай газете “La Croix”. Менавiта гэта ёсць мэтай навучання будучых iмамаў у
каталiцкай навучальнай установе. “Ужо даўно, - пiша рэктар Канэ, - наш каталiцкi
iнстытут разглядаў магчымасць неабходнасцi навучэння iнастранцаў, якiя жадаюць жыць
у Францыi, зразумець яе рэлiгiйную i культурную рэчаiснасць, i прыняць удзел у яе
грамадскiм жыццi”. Праграма прапанаванага курса складзена разам з супрацоўнiкамi
Мiнiстэрства ўнутраных спраў i Мiнiстэрства да спраў эмiгрантаў. “Праграма разлiчана
толькi на тэалагiчную адукацыю”, - зазначыў рэктар. “Мы маем на ўвазе ясную мэту:
даць магчымасць жыть у Францыi iншаземцам, даючы iм магчымасць прыняць нашы сацыяльна-рэлiгiйныя
вартасцi”, - сказаў рэктар Канэ. “Наш абавязак – гэта тое, каб яны здолiлi зрабiць
гэта ў найбольш эфектыўны спосаб, чалавечны i наколькi будзе магчыма меньш канфлiктны.
Французскае грамадства мае шмат вартасцяў. I чаго ж адмаўляцца ад перадачы iх iншым?”,
лiчыць рэктар.