365 ditë me njerëz e ngjarje që ia ndryshuan faqen botës.
(01.02.2008 RV)1 shkurt: Perandoria romake është bërë e krishterë. Zëri
i njerëzve të Hyjit nis të jehojë në të katër anët e botës: në Kisha, në sheshe, në
shkretëtirë e në fund të zemrave njerëzore. Me nismën e perandorëve, fillojnë të organizohen
koncilet e para. Sa diskutime të rrepta për të kuptuar kush është në të vërtetë Hyji!
Por ja që arrijnë barbarët. Pushtojnë Evropën e qytetërimi romak shembet. Ç’do të
ndodhë me botën? Do t’i persekutojë përsëri të krishterët? Krejt papritmas, Atila
ia vë veshin zërit të papës: luftëtarët më të egër që ka parë bota e lashtë, kthehen
në fenë e krishterë, duke ndjekur shembullin e prijësit të tyre. Mbretërit e huaj
rrethohen nga këshilltarë të mësuar në kuvendet e krishtera, që janë ngritur në vise
të ndryshme të botës. Kisha organizohet e, në agim të Mesjetës, hedh bazat e qytetërimit
të krishterë në mbarë Evropën.