Papa pret të shtunën presidentin e Kosovës Fatmir Sejdiu
(31.01.2008 RV)Presidenti i Kosovës, Fatmir Sejdiu pret përfaqësues të Shën
Egjidit që punojnë e veprojnë në vend. Takimi u bë pikërisht një ditë para vizitës
së presidentit në Itali e në Vatikan, ku të shtunën do të takohet me Papën Benedikti
XVI dhe me Sekretarin e Shtetit të Vatikanit, kardinalin Tarçizio Bertone. Është hera
e parë që Sejdiu pritet nga Ati i Shenjtë, i cili më 7 janar, në audiencën me Trupin
Diplomatik të akredituar në Vatikan, pati uruar që “statusi përfundimtar i Kosovës
të marrë parasysh rivendikimet e ligjshme të palëve dhe të garantojë sigurinë dhe
respektimin e të drejtave të të gjithë atyre që banojnë në ato troje”. Po sot, salezianët
e Kosovës festojnë shën Gjon Boskun. Të dëgjojmë informacionin e Rabije Ibrajt nga
Prishtina…