Nëse fiton Nikoliq, Kosova shpall pavarësinë më 9 ose 10 shkurt
(30.01.2008 RV)Kosova do të deklarojë pavarësinë nga Serbia në ditët pas ballotazhit
për zgjedhjet presidenciale serbe, që do të zhvillohen të dielën, më 3 shkurt. Kjo,
nëse do të zgjidhet si president ultranacionalisti, Tomisllav Nikoliç. Sipas burimeve
anonime, të cituara nga agjensia italiane ANSA, data mund të jetë 9 ose 10 shkurti.
Nëse fiton kandidati europeist, Boris Tadiç, pavarësia do të shpallet jo më parë se
mbledhja e ministrave të jashtëm të Bashkimit Evropian, më 18 shkurt. Ndërkaq,
të dyja palët kërkojnë mbështetje për zgjedhjet. Tomisllav Nikoliç ndodhet sot në
Rusi, ku është takuar me zv.kryeministrin e kandidatin për president Dmitrij Medvedev.
Nga ana e tij, Bashkimi Evropian ka dërguar sot në Beograd, zv.presidentin e Komisionit
Evropian, Franko Fratini, i cili po diskuton për heqjen e vizave për serbët, që udhëtojnë
drejt vendeve të 27-shes. Ky hap shpreh mbështetjen e qartë të Brukselit për Boris
Tadiçin.