Багародзічная малітва "Анёл Гасподні" з Папам у нядзелю 27-га студзеня
А паўдні, гэтага дня, Сьвяцейшы Айцец сустрэўся з вернікамі, якія прыйшлі на Плошчу
Сьвятога Пятра, каб супольна адгаварыць гэтую марыйную малітву. У сваім слове да
іх Бэнэдыкт 16 гаварыў аб Эвангэльлі Хрыста. Каралеўства Божае
блізка—ў гэтых словах зьмяшчаецца Эвангэльле Хрыста. Некалі эвангэльлем называлі
абвяшчэньні рымскіх імпэратараў: кожны эдыкт ўладара абвяшчана як прадвесьце дабра.
Акрэсьленьне гэтаю мянушкаю прапаведваньня Ісуса пераканаўча паказвала, што Бог а
не Імпэратар ёсьць Госпадам, а сапраўдным Эвангэльлем зьяўляецца Эвангэльле Ісуса
Хрыста. Там, дзе прабывае Ісус, там Сьвяты Дух надзяляе жыцьцё, а людзі аздараўляюцца
ад сваіх цялесных і духоўных хвароб- сказаў Папа. Панаваньне Бога абьяўляецца затым
у поўным аздараўленьні чалавека. Цераз гэтыя знакі Ісус жадае паказаць аблічча сапраўднага
Бога, Бога, які ў дары ахвяроўвае нам паўнату жыцьця, свайго ўласнага жыцьця. Дзеля
гэтага Божае Каралеўства ёсьць жыцьцём, якое знаходзіць сваё пацьверджаньне ў пераадольваньні
сьмерці, ёсьць блескам праўды, якая разганяе цемры няведаў і хлусьні- сказаў Бэнэдыкт
16. У паўднёвай малітве “Анёл Гасподні” ўдзельнічала больш за дзьве тысячы дзяцей
з Каталіцкае Акцыі рымскае дыяцэзыі. Яны прайшлі вуліцамі Рыму ў так званай “Караване
Міру”. Двое з іх стаяла ў боку Сьвяцейшага Айца. З вакна Папы дзяўчынка прачытала
пасланьне гэтае ініцыятывы, якой сёлетняю мэтаю была пабудова двух школаў у Маляві
і ў Серра Леонэ. Дзякуючы дзецям за салідарнасьць з равесьнікамі, якія зазнаюць
бяду і вынікі вайны, Бэнэдыкт 16 заахвоціў іх да далейшых намаганьняў. “Мы ўсе жадаем
дапамагаць бедным дзецям сьвету. Пастаянна накіроўваемся да міру, пастаянна таксама
Госпад нам у гэтым дапамагае і нас суправаджае- сказаў Папа. Разам з дзяцьмі, традыцыйна
на заканчэньне месяца міру, выпусьціў з вакна сваей бібліятэкі два белыя голубы. У
апошнюю нядзелю месяца студзеня ўшаноўваецца Сусьветны Дзень Барацьбы з Праказай.
Быў ён устаноўлены ў 1954-м годзе з ініцыятывы французскага падарожніка і паэта Раўля
Фолеро. Сёньня таварыства ягонага імя нясе дапамогу пракажоным на цэлым сьвеце.
Спаслаўся да гэтага Бэнэдыкт 16 у часе сустрэчы з вернікамі на малітве “Анёл Гасподні”.
Папа падзякаваў добраахвотнікам, якія падтрымліваюць пракажоных і запэўніў аб сваёй
малітве за іх. Зрабіў заклік да палітыкаў і лекараў каб узмоцнілі намаганьні ў карысьць
барацьбы з праказаю. Сёньня найбольш пракажоных, а іх ёсьць каля 15-ці мільёнаў,
жыве ў Індыі, ў Афрыцы, Азіі, на астравах Пацыфіку і ў Паўднёвай Амэрыцы.