Чарговыя старонкi з Кампендiума сацыяльнай дактрыны Царквы.
444 Святы Пасад – цi Апостальскi Пасад – мае поўную мiжнародную
суб’ектыўнасць як самастойная ўлада, якая ўдасканальвае ўласныя юрыдычныя дзеяннi.
Яму належыць знешнi суверэнiтэт, якi прызнаны ў рамках мiжнароднай суполкi. Ён служыць
адлюстраваннем унутрыцаркоўнага суверэнiтэта i адрознiваецца арганiзацыйнай еднасцю
i незалежнасцю. Царква карыстаецца тымi юрыдычнымi працэдурамi, якiя аказваюцца
неабходнымi цi цi карыснымi дзеля выканання яе мiсыi. Мiжнародная дзейнасць
Святога Пасада аб’ектыўна разгортваецца ў розных аспектах, сярод якiх: актыўнае
i пасiўнае права на дыпламатычнае прадстаўнiцтва; здзяйсненне “ius contrahendi”,
з заключэннем дамоў; удзел у мiжурадавых арганiзацыях, як, напрыклад, належных
ад сiстэмы Аб’яднаных нацый; пасрэднiцкiя iнiцыятывы ў выпадку канфлiктаў. Праз падобную
дзейнасць Царква iмкнецца далучыцца да мiжнароднай суполкi, бо яна не шукае карысцi
для сябе, але жадае асягнуць агульнага дабра для ўсёй чалавечай сямьi. У гэтым кантэксте
Святы Пасад будзе дзейнiчаць праз уласных дыпламатаў. 445 Дыпламатычная служба
Святога Пасада, твор доўгага i сур’ёзнага вопыта, дзейнiчае не толькi дзеля “Libertas
Ecclesiae” (Свабода Царквы), але i дзеля абароны i сцверджання чалавечай
годнасцi, а таксама дзеля сацыяльнага парадка, заснаванага на аснове вартасцяў справядлiвасцi,
iсцiны, свабоды ды любовi: “Па першаснаму праву, звязанаму з самой нашай духоўнай
мiсiяй i якое абапiраецца на шматгадовае развiццё гiстарычных падзей, мы пасылаем
ўласных легатаў да вышэйшых уладаў дзяржаў, у якiх прысутнiчае Каталiцкая Царква.
Вiдавочна, што мэты Царквы i Дзяржавы палягаюць у розных галiнах, што абодвы яны –
паўнацэнныя суполкi, значыць, маюць сродкi, i незалежны ў адпаведных галiнах дзейнасцi.
Але верна i тое, што Царква, i дзяржава дзейнiчаюць на карысць аднаго i таго ж суб’екта
– чалавека, якога Бог паклiкаў да вечнага збаўлення i памясцiў на зямлю, каб дазволiць
яму, з дапамогай Божай ласкi, асягнуць гэтага збаўлення праз працу, што прыносiць
дабрабыт у мiрным суiснаваннi з iншымi”. Дабрабыту людзей i чалавечых супольнасцяў
адпавядае структуiраваны дыялог памiж Царквой i цывiльнымi ўладамi, якi выяўляецца
ў тым лiку i ў заключэннi ўзаемных пагадненняў. Мэта гэтага дыялога – устанаўлiваць
цi ўзмацняць узаемнае паразуменне i супрацоўнiцтва, а таксама супярэчыць цi дазваляць
магчымыя канфлiкты, каб уносiць уклад у прагрэс кожнага народа i ўсяго чалавецтва
ў справядлiвасцi i мiры. IV. Мiжнароднае супрацоўнiцтва дзеля развiцця а) Супольна
працаваць, каб гарантаваць права на развiццё 446 Вырашэнне праблемы развiцця
патрабуе супрацоўнiцтва памiж асобнымi палiтычнымi суполкамi: палiтычныя суполкi
абумоўлiваюць адна iншую, i магчыма сцвердзiць, што кожная развiваецца, уносячы ўклад
у развiццё iншых. Таму неабходна ўзаемнае паразуменне i супрацоўнiцтва памiж iмi”.
Адставанне ў развiццi здаецца становiшчам, з якога немагчыма выйсцi, заледзьве не
прысудам лёсу, калi мы ўбачым у iм не толькi плён памылковых чалавечых рашэнняў, але
i вынiк працы “эканамiчных, фiнансавых i сацыяльных механiзмаў” i “структураў
граха”, якiя перашкаджаюць паўнацэннаму развiццю людзей i народаў. Але ж гэтым
цяжкасцям трэба супрацьставiцца з цвёрдай i ўпартай рашучасцю, бо развiццё – гэта
не толькi пажаданне, але i права, якое, як любое права, прымушае да адказнасцi: “Сапраўды,
супольна працаваць дзеля развiцця ўсяго чалавецтва i кожнага чалавека – ёсць абавязкам
усiх у адносiнах да ўсiх; падобнае супрацоўнiцтва павiнна ахоплiваць адначасова ўсе
чатыры бакi света: Усход i Захад, Поўнач i Поўдзень”. Па меркаванню Настаўнiцтва Царквы,
права на развiццё заснавана на наступных прынцыпах: еднасць паходжання i агульнасць
лёсу чалавечай сямьi; роўнасць усiх людзей i ўсiх грамадстваў, заснаваная на чалавечай
годнасцi; агульнае прызначэнне зямных дабротаў; супольнасць зразумення развiцця; цэнтральнае
становiшча чалавечай асобы; салiдарнасць. 447 Сацыяльная навука заахвочвае формы
супрацоўнiцтва, здольныя вывесцi на мiжнародны рынак краiны, якiя маюць галечу i слабаразвiтыя:
“Не так даўно лiчылася, што самыя бедныя краiны будуць развiвацца, калi аддзеляцца
ад агульнага рынка свету, разлiчваючы толькi на ўласныя рэсурсы. Нядаўнi вопыт паказаў,
што краiны, якiя iзалiзавалi сябе, мелi застой i рэгрэс, у той жа час пайшлi наперад
тыя, што здолiлi ўключыцца ў супольную эканамiчную дзейнасць на мiжнародным узроўнi.
Такiм чынам, бачна, што галоўная праблема – гэта ўсталяванне справядлiвага доступа
да мiжнароднага рынка – доступа, заснаванага не на аднабаковым прынцыпе эксплуатацыi
натуральных багаццяў, а на адпаведным выкарыстаннi чалавечых рэсурсаў”. Асноўныя прычыны
беднасцi i адставання ў развiццi – гэта, акрамя немагчымасцi выхаду на мiжнародны
рынак, недахоп адукацыi, адсутнасць харчовай бяспекi, структур i паслуг, недахоп мер,
якiя гарантавалi б элементарную медычную дапамогу, недахоп вады да пiцця, карупцыя,
няпэўнасць грамадскiх структур i самога палiтычнага жыцця. Iснуе сувязь памiж беднасцю
i адсутнасцю ў шматлiкiх краiнах свабоды, магчымасцi праяўляць эканамiчную iнiцыятыву,
дзяржаўнай адмiнiстрацыi, здольнай забяспечыць нармальную сiстэму адукацыi i iнфармацыi.