Апостальскi нунцый у Маскве сустрэўся з Патрыярхам Алексiям II°.
Апостальскi нунцый у Расii, арцыбiскуп Антонiо Меннiнi, сустрэўся з Патрыярхам Маскоўскiм
i ўсёй Русi Алексiям II°. Спатканне адбылося пасля ўрачыстай лiтургii, якую адслужыў
галава РПЦ МП на Божае Нараджэнне па Юлiянскаму календару 7 студзеня ў храме Хрыста
Збавiцеля. Пад час сустрэчы прадстаўнiк Ватыкана прадставiў Алексiю II° новага каталiцкага
арцыбiскупа ў Маскве Паоло Пеццi. “Патрыярх жэстам запрасiў мяне i новага арцыбiскупа
падыйсцi да яго, - сказаў Апостальскi нунцый, - Мы цалавалi крыж, якi ён трымаў у
руках i якiм бласлаўляў народ. Потым Патрыярх, звяртаючыся да новага арцыбiскупа,
якога я яму прадставiў, сказаў а сваёй гатоўнасцi да хуткай сустрэчы з iм, не толькi
дзеля таго, каб лепей пазнаёмiцца, але каб разам абмеркаваць агульныя пастырскiя праблемы
на карысць маскоўскага рэгiёна. Ён падкрэслiў гэты элемент i зазначыў, што “вернiкi,
якiя жывуць у маскоўскiм рэгiёне, даручаныя як маяму, так i Вашаму пастырскаму клопату”,
i з гэтай нагоды мы павiнны працаваць разам, супрацоўнiчаць. “Потым, - працягнуў свой
аповяд Апостальскi нунцый, - Патрыярх папрасiў перадаць самыя цёплыя пажаданнi Свяцейшаму
Айцу i дадаў, што яго пачуццi , як i пачуццi РПЦ, - гэта пачуццi глыбокай павагi
i братства”.