Папская рада да спраў еднасцi хрысцiянаў падцвердзiла, што 6 сакавiка Свяцейшы Айцец
прыйме на аўдыенцыi Канстантынопальскага Патрыярха Барталамея I°, якi прыедзе ў Рым
на пачатку сакавiка, каб прыняць удзел у святкаваннях 90-й гадавiны заснавання Папскага
Усходняга iнстытута. У кастрычнiку 1917 года Бенедыкт XV° заснаваў сваiм дэкрэтам
гэтую славутую навучальную ўстанову, якой ужо на працягу 85 гадоў кiруюць айцы-езуiты.
Апошнiя падзеi на Блiзкiм Усходзе паказалi неабходнасць вывучэння праблем гэтага рэгiёна,
што прывяло да павялiчэння колькасцi навучэнцаў згаданага iнстытута. Зараз у iм праходзяць
навучанне 500 чалавек, але прадугледжваецца павялiчэнне iх лiку. Усяго згаданую навучальную
ўстанову скончылi прыблiзна 6.500 асобаў, сярод якiх i Канстантынопальскi Патрыярх
Барталамей I°, якi абаранiў у iм доктарскую дысэртацыю. 6 снежня мiнулага года
Свяцейшы Айцец спаткаўся з выкладчыкамi i навучэнцамi Усходняга iнстытута. Пры гэтым
ён зазначыў, што навучaнне ў iм спрыяе справе экуменiзма, бо лепшае веданне мудрасцi
хрысцiянскага Усхода “узбагачае ўсiх”.