Па блаславенству архiепiскапа Львоўскага Украiнскай Грэка-каталiцкай Царквы ўладыкi
Iгара 1-га студзеня адбылося шэсце пад назвай “Мiр на ўсiх землях”. Мэта мерапрыемства
– падтрымаць высiлкi за мiр i малiтва за краiны, якiя сёння пакутуюць ад войнаў i
тэрарызма. Арганiзатарам шэсця была грамада св. Эўгiдыя, якая была заснавана ў
Рыме 1968 годзе. Сёння яна аб’ядноўвае некалькi дзясяткаў тысяч свецкiх вернiкаў
у розных краiнах свету. На пачатку Новага года, з нагоды 41 Сусветнага дня мiра,
Свяцейшы Айцец Бенедыкт XVI° звярнуўся з адпаведным Пасланнем, у якiм перадаў людзям
пажаданне жыць у мiры. У iм, у прыватнасцi, Папа зазначыў: “Сёння чалавецтва, на жаль,
перажывае вялiкiя падзеi i вострыя канфлiкты, наступствы якiх выявяцца ў будучынi…
Працягваюцца шматлiкiя грамадзянскiя войны на Афрыканскiм кантынэнце, хаця ж ужо немала
краiнаў там зрабiлi канкрэтныя крокi ў галiне свабоды i дэмакратыi. Блiзкi ўсход застаецца
арэнай канфлiктаў i замахаў, якiя ўплываюць i на суседнiя краiны i рэгiёны, пагражаюць
уцягнуць таксама i iх у спiраль насiлля. Трэба адзначыць павялiчэнне колькасцi краiнаў,
якiя ўцягнуты ў гонку ўзбраення… У такiя цяжкiя часы ў сапраўднасцi неабходна мабiлiзацыя
высiлкаў усiх людзей добрай волi, каб асягнуць канкрэтнай дамоўленасцi, накiраванай
на эфектыўнае раззбраенне, перад усiм у галiне ядэрнай зброi”, - адзначыў Свяцейшы
Айцец. На прыканцы свайго звароту да вернiкаў Свяцейшы Айцец заклiкаў iх “няспынна
малiцца да Езуса аб вялiкiм дары мiра”.