Në lutjen e Engjëllit të Tënzot, Benedikti XVI na fton të ndjekim Ungjillin, ashtu
si Mbretërit Dijetarë ndoqën kometën.
(06.01.2008 RV)Në lutjen e Engjëllit të Tënzot, Papa shpjegoi se, ashtu si
Mbretërit dijetarë, burrat e gratë e të gjitha breznive kanë nevojë për dikë, që
t’i drejtojë në rrugën e tyre dhe pyesin gjithnjë ç’yll mund e duhet të ndjekin.
Drita shpirtërore që u priu Mbretërve – shtoi Benedikti XVI – është e pranishme në
Fjalën e Ungjillit.Para lutjes mariane, Ati i Shenjtë uroi përzemërsisht vëllezërit
e motrat e Kishave Lindore që, duke ndjekur kalendarin julian, e kremtojnë Krishtlindjen
nesër. Së fundi Papa kujtoi se sot kremtohej edhe Dita Botërore e Fëmijëve Misionarë
dhe i uroi fëmijët të jenë gjithnjë misionarë të Ungjillit.