Dialogu i Marisë me Mbretërit - marrë nga veprat e Efremit të Sirisë.
(06.01.2008 RV)Mbretërit: Një yll ne na lajmëroi, se ai që ka lindur është
mbreti i qiellit. Yt bir ka pushtet mbi yjet Ata lindin vetëm me urdhër të Tij!
Maria:
E unë po ju tregoj një të fshehtë tjetër, që të bindeni: linda tim bir e mbeta
e virgjër: Është Biri i Zotit, përhapeni lajmin!
Mbretërit: Dhe ylli
na tregoi se biri i Zoti është edhe yt bir.
Maria: Lartësi e humnera
janë dëshmitarë, e janë dëshmitarë gjithë engjujt e yjet. Ai është bir i Hyjit
e Zot. Përhapeni lajmin ndër shtigjet pafund, që paqja t' mbretërojë në çdo
vend.
Mbretërit: Paqja e tand bir na priftë në vendin tonë, me siguri,
si erdhëm: pushteti i tij mbarë botën e sundoftë, Tokën tonë e vizitoftë e e
shenjtëroftë.
Maria: Galdoftë Kisha, lumni këndoftë për lindjen
e birit të të lartit Zot, agimi i të cilit ndriçoi qiell e tokë; e duke lindur,
gazmoi çdo njeri.